Israelip Gazami sakkuaakkunnaarnissaq akuerigaa
Israelimi naalakkersuisut isumannaallisaaniarneq pillugu aalajangiisartui Gazami sakkuaakkunnaarallartoqarnissaa akuersisutigaat.
Israelip naalakkersuisuisa tamanna sisamanngornermi unnukkut uppernarsarpaat.
Hamasikkut, Gazami pissaaneqartuusut, islamisiortullu Islamisk Jihadimeersut, paasissutissat aamma uppernarsarpaat.
Israelip Gaza silaannarmiit nunaminngaanniillu sapaatit-akunnerata siulianili hunnorujoriarluni saassuppaa.
Palæstiinamiut sakkuaakkumatuut Gazamit Israelip kujasissortaanut qaartartunik 4000-nit amerlanerusunik piffissap taassuma iluani aamma igeriussipput.
AAMMA ATUARUK USA-p Kangia Qiterlermi eqqissiviilliornernut FN-ip akuliukkusunnera akerleraat
Gazami inuit 232-t toqutaasut, taakkunannga meeqqat 65-it, arnallu 39-t, Palæstiinamiut peqqinnissaqarfiat sisamanngornermi ilisimatitsivoq. Taassuma saniatigut sakkuaakkumatuut 160-it toqutaasimasut Israelimi illersornissaqarfiup ilisimatitsissutigaa.
Israelimi inuit aqqaneq-marluk toqutaasimapput, taakkunannga meeqqat marluk.
Israelip Hamasillu akornanni sakkuaakkunnaarallartoqarnissaanut nunat tamalaat kimigiisereersullu, illuatungeriit akornanni sakkuaakkunnaarallartoqarnissaa isumaqatigiissutigineqarpoq.