Sakkuaakkunnaarallarnissamik isumaqatigiissut qatangiinnartinneqartoq
Nutaarsiassaqartitsivik DPA taama allaaserisaqarpoq.
Raketit Israelip tungaanut igeriunneqaqattaarsimasut DPA-p allaaseraa.
Sakkuaattoqarunnaarnissaanik isumaqatigiissut pingasunngornerup sisamanngornerullu akornanni isumaqatigiissutigineqaraluarpoq. Gazap Israelillu akornanni aaqqiagiinngissutit pissutaallutik inuit 30-nit amerlanerusut ulluni kingullerni toqutaasimapput.
AAMMA ATUARUK Israel Jihadillu Gazami sakkuaakkunnaarallarnissaminnut isumaqatigiissuteqartut
Illuatungeriilli sakkuaakkunnaarallarnissamik isumaqatigiissut ullumi sisamanngornermi ullaap tungaani ilumooruppasinngilaat.
Sakkuaakkunnaarallartoqarnissamut isumaqatigiissusiortoqarsimasoq, Naalagaaffiit Peqatigiit Kangia Qiterlermi immikkuut aallartitaata akunnialunnguit siornatigut Twitterikkut allaaserigaluarpaa.
- Aammik kuutsitsisoqarnissaa pinngitsoortinniarsarineqartariaqarpoq. Kangia Qiterlermi sorsuunnerit ilaneqaqqittariaqanngillat, aallartitaq oqarpoq.
Ulluni kingullerni saassussisaqattaarnerni inuit ikinnerpaamik toqutaasimapput, allallu 100-t missaat aqqunartitersimallutik.
/ritzau/