Søvndalip Greenpeace ajattornavianngilaa kisianni...
Taassuma Jyllands-Postenimit apersorneqarluni naalakkersuisunngorumaartussat nunanut allanut politikkissaata ilusissaa siullerpaamik qulaarpaa.
Tassani Kalaallit Nunaat, uulia aamma Greenpeace Søvndalimit tikinneqarput.
Tassunga atatillugu oqaatigaa, anguniagassatut tunngavigisat naalakkersuisooqataanermi akisussaaffik malinnaasoq aqqutigalugu atuussinnaanertik takutikkumaaraat.
- Kalaallit Nunaat nunamut piginnittussaaneranik suliffissuaqarnikkullu ineriartornissamut pisinnaatitaaneranik arsaarsinnaanngilarput. Kisiannili pinngortitaq qajannartorujussuuvoq mianersuulluinnartariaqarlunilu, pissusiviusut anguniagassatullu takorluukkat asigiinngissusaat pillugu ilaatigut oqarpoq.
Greenpeace asulersuaq aamma imminerminukarnaviannginnerarpaa.
- Naagga, ajattorneqarnavianngillat. Assortuussutissaqallarumaarpugut, SF-ip siulittaasua Jyllands-Postenimut oqarpoq.
Uani ilaatigut eqqaaginnarsinnaavarput suliniaqatigiiffinnik soorlu Greenpeace-ikkutut ittunik allanillu politikkikkut anguniagassatut siunniussanik nutaanngitsunik partiip aqutsisuisa isummertarnerannut akerliusut pillugit tunuliaquttanik assortuussuteqalersinnaaneq.
Isummanik allanngortitsineq pillugu Søvndal oqarpoq:
-Ilumoorpoq piviusunngortitsiniarluta iliuuseqartilluta pissutsit eqqortut oqaatiginissaannik pingaartitsisutut partiitut nikeriarsimavugut.
Nuummi IA-p ataatsimeersuarnerani naammasseqqameersumi naaperiutaasartut allat Villy Søvndalimit eqqartorneqarput - tassalu taakku naalakkersuisooqatigiinnermi naaperiutigineqartartut.