Søren Pape Poulsen Danmarkimi ministeriuninngorusuttoq
Danmarkimi De Konservativet siulittaasuat, Søren Pape Poulsen, imminut piukkulluni qangali oqamisaartareerluni, ullumi ataasinngornermi tusagassiortunik katersortitsilluni aalajangersimarpasinnerusumik avammut imminut nalunaarutigivoq statsministerimut qinigassanngortittussatut sassarluni.
AAMMA ATUARUK Danmarkimi naalakkersuisut ikorfartortaasalu ministeriuneq naveeraat
- Danmark, naleqassuserput kinaassuserpullu paarilluartariaqarpagut. Tassalu taanna statsministerinngorniunnissamut qineqqusaarutissama pingaanersariumaagaat, Pape tusagassiortunut ussassimaqisunut oqarpoq.
Taamaalillunilu politikkikkut tungujortuusut marluk ministeriuninngorniuttussanngorput, tassa Pape taavalu Jakob Ellemann-Jensen.
- Pilimaniarpalunngitsumik siuttoqarnissarput pingaarnerpaavoq Mette Frederiksenilu uppitittariaqarparput. Ministeriuninngorniuttut marluk sassaraluarpata qinersisartut tungaanniit ajornavianngilaq, inuinnarpalaartut pilimaniarpasinngitsut marluk sassarpata tulluartorujussuussaaq, Pape oqarpoq.
AAMMA ATUARUK Folketingimut qinersisitsisoqalertorooq: Aaja Chemnitz pingajussaanik qinigassanngortinniartoq
Folketingemut qinersinissaq tulleq kingusinnerpaamik 2023-mi juunip sisamaani pisussaavoq, danskilli politikkeriisa akornanni ulluni makkunani ilisimasupput qinersinissap qaqugu piumaarnissaa Mette Frederiksenip qanittukkut nalunaarutigissagaa.
