Danmarkimi naalakkersuisut ikorfartortaasalu ministeriuneq naveeraat
Coronavirusip allannguutaata siaruatsaaliornissaa pillugu minkinik toqoraasoqarnissaanut aalajangiinermut atatillugu suliami ministeriunerup Mette Frederiksenip naveerneqarnissaa, Danmarkimi naalakkersuisut, taakkualu ikorfartortaasa Folketingimi amerlanerussuteqartut aalajangerpaat.
AAMMA ATUARUK Ministeriunerup De Radikale Venstrekkut qinersisoqarnissaanik piumasaqaataat oqaaseqarfigiumanngikkaa
Ministerip naveerneqarnissaa Folketingimi ilaasortat amerlanerussuteqartut aalajangersinnaavaat, suliamilu matumani Mette Frederiksen taamaanneqarluni.
Ministeriunerup naveerneqarneranut atatillugu aamma aalajangiisoqarpoq naalakkersuinikkut akisussaasumut eqqartuussisoqassanngitsoq.
AAMMA ATUARUK Danskit inuussutissaqarnermut ministeriat Mogens Jensen tunuartoq
Minkinik toqoraasoqarnissaanut aalajangernerup ataatsimiititaliarsuup misissuiffigaa, kingornalu nalunaarusiortoqarluni. Nalunaarusiaq taanna sapaatit-akunnerata siuliani saqqummersinneqarpoq.
Ministeriunerup naveerneqarnissaanut aalajangerneq illuatungiliuttunit itigartitsissutigineqarpoq. Taakkumi isumaqarput suliaq eqqartuussissuserisunit misissuiffigineqartariaqartoq, naalakkersuinikkut akisussaasumut eqqartuussisoqarsinnaanersoq misissortinniaramikku.