Ryanair timmisartuussiffigeqqusaanngitsukkoortitsivoq

Islandimi qaqqap innermik anitsisup qullaatsitaasa ulorianaateqannginnerat uppernarsarniarlugu, Irlandimi timmisartuutileqatigiiffik akikitsumik angalatitsisartoq Ryanair timmisartumik ullumi Skotlandip silaannartaatigoortitsivoq, naak oqartussat tamaani qaqqap innermik anitsisup qullaatsitaanik peqarneraraluaqigaat.
Allattoq Elisa Isaksen
maajip 24-at 2011 08:52

Irlandimiut timmisartortitseqatigiiffiat taanna, siorna qaqqap innermik anitsisup qullaatsitai pissutigalugit timmisartuussinermut oqartussat, Europami timmisartuussinerup ilarujussuanik matusinerannut sakkortuumik akerlilersuisoq, nalunaarpoq, timmisartoq arlaannaatigulluunniit ulorianartorsiorsimanngitsoq.

- Timmisartumi qaqqap innermik anitsisup arsakuinik takussaasoqaranilu timmisartumi arsakunut takussutaasinnaasumik soqanngilaq, suluini motooriiniluunniit soqanngilaq, nalunaarummi taama allapput, allakkatigullu uppernarsaat timmisartuliorfimmit pissarsiarineqareerpoq.

Misiliilluni timmisartortoqareerneratigut, Ryanairimit oqaatigineqarpoq,  Skotlandip silaannartaani timmisartorfissatut ulorianartutut taaneqartoq nassaarineqanngitsoortoq.  

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq