Ruslandip timaatungaani illoqarfimmi nanorsiortut
Nanoq Ruslandimi illoqarfimmut Norilskimut nunap timaaniittumut sinerissamiillu kilometerinik hunnorujunik arlalinnik tiffasitsigisumiittumut ippassaani appakaateriataarpoq. Nerisassarsiorluni tamaanga pisimassangatinneqarpoq.
Allattoq Karsten Sommer
juunip 19-at 2019 14:27
Nutserisoq Simon Uldum
Nanoq illoqarfiup iluani aqqusinikkut biilit akornisigut eqqissilluni ingerlasoq assini takuneqarsinnaavoq.
Tusagassiorfiit arlallit, ilaatigut BBC aamma CBS News taama allaaserisaqarput.
AAMMA ATUARUK Nannut tunuliaqutaralugit assilisinniaqinasi
Nanoq qasoqqarpaseqarluni illoqarfissuarmi angalavoq, aamma suliffissuup eqqaani nerisassarsiorpoq.
Nannup illoqarfissuarmi biilit akornanni angalasoq silap pissusiata allanngoriartorneranik ersersitsivoq.
Ruslandip issittortaani nunaqarfiit arlallit februaarip qaammataani navianartorsiorfiusutut nalunaarutigineqarput, nanorpassuit nerisassarsiorlutik nunaqarfinnut qaninngoortalermata.
AAMMA ATUARUK Russit qeqertaanni nannut ajornartorsiortitsisut
