Mianersoqqussut Nannut tunuliaqutaralugit assilisinniaqinasi
Takornariammi ilaat nannumik tunuliaquserlutik imminut assilisarput.
Nunalli immikkoortuata uumasunut nujuartanut pisuussutillu uumassusilinnut aqutsisoqarfia taamaalioqqusingilaq.
- Taamaaliornissaq isumassarsiaalluanngilluinnarpoq, pinngortitamut aqutsisoqarfimmeersoq Barry Carrol Labrador Radiomut oqarpoq.
Nannumilli takusaqaraanni aappaanut saariarluni eqqissisimasumik ingerlasoqassasoq, taanna oqarpoq. Nannullu assiliseqatiginiarlugit nerisassanik qanillartortitsiniarsareqqusaanngilluinnartut, taassuma erseqqissaatigaa.
Takornarianik suli ajoqusertoqanngilaq, pinngortitamili nakkutilliisunut, nannunik ilisimajunnaartitsisartunik immikkut ittunik aallaasilinnut akornutaalernissaat aarlerissutigineqarpoq.
Taamaammat takornariat nannunik pinngortitamilu nakkutilliisunik akornusersuinnginnissaannik Labrador Radiokkut qinnuigineqarput.