Ruslandip sakkunik Syriamut pilersuinini isertuutinngilaa
Ruslandip nunanut allanut tunngasunut ministereqarfiata nutaarsiassaqartitsivimmut Tassimut tamanna ilisimatitsissutigaa, ilanngullugulu aamma nalunaarutigineqarpoq Ruslandip nunanut allanut tunngasunut ministeria Sergej Lavrov USA-p nunanut allanut tunngasunut ministerianut John Kerrymut tamanna pillugu ilisimatitsisimasoq.
- Syriami naalakkersuisut peqqarniisaarnianik akiuiniarnerannut Ruslandip tapersersuinera pillugu Kerry Lavrovimut oqarasuaatitigut apeqquteqaateqarpoq, Maria Sakharova, Ruslandip nunanut allanut tunngasunut ministereqarfianeersoq oqarpoq, nangillunilu:
- Syriami naalakkersuisut peqqarniisaarnianik akiuiniarnerat Ruslandimit tapersersorneqartuarnikuusoq, tamannarpiarlu tunuliaqutigalugu Rusland sakkunik pilersuiuarsinnartoq, russit oqaaseqartitaata oqaatigaa.