Rusland: NATO atomit qaartartorsuit atorlugit uatsinnut saassussinissaminut piareersarpoq
Nunat killiit illersoqatigiiffiata NATO-p atomimik qaartartorsuit atorlugit Ruslandimik saassussinissaq piareersaleruttorpaa.
Ruslandip illersornissamut ministeriata tullersortaa, nunanut allanut tunngasunik aamma akisussaaffeqartoq Mikhail Galuzin, Ruslandimi nutaarsiassaqartitsivimmut Tassimut taama oqarpoq.
NATO atomimik qaartartorsuit atorlugit saassussinermik sungiusaleruttortoq Tassimut ilaatigut oqaatigaa.
Rusland atomimik qaartartorsuarnik nunami sanilerisamini Belarusimi ukioq manna juunimi inissiivoq.
Belarusip præsidentiata Aleksandr Lukasjenkop nunat killiit nunamik aserorterniaraat, Ruslandip præsidentiatut Vladimir Putinitut arlaleriarluni oqaatiginikuuaa, tamannalu pinngitsoortinneqassappat nunami tassani atomimik qaartartorsuaqarnissaa allaqqunneqarsinnaanngissoralugu.
Ruslandip atomimik qaartartorsuarnik atueratarsinnaanera aarleqqutigineqarsinnaasoq, USA-p præsidentiata Joe Bidenip oqaatigisareerpaa, USA-lli naalakkersuisuisa arlaleriarlutik aamma erseqqissaasstigisareerpaat atomimik qaartartorsuarnik atuiniaratik.
