Ajugaasut ajorsartullu: Inatsisartunngortut ukuupput
Qinersinerup unnukkuani nalunaaqutaq aqqaninngoriartortoq Demokraatit katerisimaarfianniittut qiimmattarput nuannaarnerullu pianik qullilillutik.
Taakkumi Inatsisartuni qulinik ilaasortaatitaqaleramik qinigaarlaanik nunamillu aqutseqataasussanik arfineq-marlunnik ilallutik ajugaapput.
Siumumiilli aamma Inuit Ataqatigiinniit qinigassanngortittorpassuit pakatsipput. Tassami qinersinermi ajugaasoqartillugu allat ajorsartarput.
Siumup ilaasortaatitai ikilillutik quliniit sisamaannanngorput. Ilaasortattaaq Inuit Ataqatigiinneersut arfineq-marluk Inatsisartuni issiavitik qimattariaqalerpaat.
Inuit Ataqatigiinneersorli inuusuttoq Nuummeersoq, Nivi Rosing (IA), nutaartaalerpoq.
Partiit ilaasortaatitariligaat maanna inissititsersimalerput.
Demokraatillu naalakkersuisoqatigiinneq ikinnerpaamik 16-inik ilaasortaatitaqarfiusussaq anguniarlugu partiinik allanik ulluni tulliuttuni oqaloqateqaqattaassapput.
