Rusland gassimik pilersuinermi ruujorip putuneranik misissueqataaniartoq
Atorfilittat Danmarkimeersut, Sverigemeersut Tysklandimeersullu Ruslandimit sisamanngornermi aggersarneqarput.
Gassimik pilersuinermi ruujorip Nord Streamip putunerata misissorneqarnissaanut atatillugu Ruslandimiut uuliasiortitseqatigiiffillu Gazprom ilaatinneqannginnerat isornartorsiorniarlugu russit taamaaliorput.
AAMMA ATUARUK Sverigemi unnerluussissussaatitaasut gassip aqqutaat pinerluffigineqarsimasutut nalileraat
- Misissuinermi inerniliussat apeqquserneqarsinnaasut Ruslandip soorunami akuersaarumanngilai. Immikkummi ilisimasallit Ruslandimeersut misissuinermi peqataatinneqanngillat, Ruslandip nunanut allanut tunngasunut ministereqarfia allappoq.
Gassimik pilersuinermi ruujorit qanoq putusimanersut sukumiisumik ilisimaneqanngilaq, piaaralunili putuneqarsimasut nunat EU-meersut siusinnerusukkut oqaatigaat.
AAMMA ATUARUK Putinip gassit aqqutaannik aserorterisoqarnera peqqarniisaarniarnertut taagaa
Danmarkip, Sverigep Tysklandillu aallartitaat Moskvami ulluni kingullerni aggersarneqarput.
- Ruslandip ministeriunerata, Mikhail Misjustinip, siunnersuutaanut nunanit taakkunanit pisortatigoortumik akissuteqartoqarsimannginnera Ruslandip tupigusuutigalugulu uivissutigaa, Misjustin oktobarip ulluisa tallimaanni ilaatigut oqarpoq.