LNS: Rubisiorfiup ingerlaannarnissaa qulakkeerusupparput
True North Gems Greenlandip akiliisinnaajunnaarnera ataasinngornermi nalunaarutigineqarpoq. Taamaattorli LNS-ip Nunatsinni rubinisiornissani suli siunertarigaa, Frode Nilsen LNS-imi pisortaq KNR-imut ilisimatitsivoq.
- Naamik uniinnanngilagut. Tamaviaarluta aningaasanik pissarsiniarsarivugut inissitassallu allat inissinniarsaralugit. Qanittukkullu inissereernissereersimassasut upperaarput, Frode Nilsen taama oqarpoq.
TNGG-p akiliisinnaajunnaarneranut 100 millionit koruuninik aningaasaliisinnaasunik amigaateqarneq tunngavilersuutigineqarpoq. Frode Nilsenilu aperineqarami aningaasaliisussanik nutaanik nassaarsimanersut ima akivoq:
- Aap, oqaloqateqarnikuuvugut neriulluarlutalu. Piffissap sivikitsup iluani iluatsissinnaasoq isumaqarpugut, Frode Nilsen oqarpoq.
Aamma atuaruk TNGG 100 millionit koruuninik amigaateqarluni akiliisinnaajunnaartoq
Rubinisiorfiup ingerlaannarnissaa LNS-imi sulissutigigitsik taassuma aamma oqaatigaa, kisimiillutilli piginnittuunissartik naatsorsuutiginagu, tassami allanik aningaasaliisoqarnissaa kissaatigigamikku.
Aamma atuaruk TNGG akiliisinnaajunnaarpoqAkileraartartut akiliutaat millionerpassuit annaaneqartut