Royal Greenlandip pilersaarut nutaaq aallartippaa
Saarulliit amerlavallaat Royal Greenlandimut tunineqartut nassiuteqqinneqartarsimapput annertunerusumik suliarineqaqqigatik. Maannali tamanna iliuuseqarfiginiarneqalerpoq.
- Maanna piffissami sivisunerusumi aalisakkat amerlanerit tigusalerpagut tamatumalu kinguneranik imminut akilersinnaanngorsimavoq Paamiuni tisanermut atortorissaarutitaarnissaq. Tassani aalisakkat suliareqqissinnaavagut pisisartunut ingerlateqqinnginneranni. Tamatuma kinguneranik suliffissuup sinneqartoorutai amerlissapput, Royal Greenlandimi ingerlatsinermut pisortaq Sten Sørensen oqarpoq.
Paamiuni saarulliit suliareqqittalernerisigut Royal Greenlandip isumaliutigilerpaa aalisakkat tunisassiat qanoq naleqarnerusunngortinnissaat.
- Iliuuserineqarsinnaasut arlallit maanna isumaliutigineqarput. Illuanik isertitat amerlisinnaapput aammalu suliffissaqartitseqataasinnaalluta illoqarfinni inerisaavissatut isumaliutigisatsinni. Qeqertarsuatsiaani tarajorterineq periarfissaavoq tassanimi ukioq kaajallallugu tunisisoqartarpoq tassanilu aalisakkat suliareqqittarnissaat isumaliutigaarput, Sten Sørensen oqarpoq.
