Royal Greenland saviminikunik tuniniaavoq
Royal Greenlandip suliffissua 2011-mi nutarsarneqarpq tassanilu savinerpassuit manngertornersinnaanngitsut taarsersorneqarput. Teknikkimut pisortaq Jens Madsen aamma suliffissuup pisortaa Hans Lar Olsen isumataarput saviminikut tuininiarneqarsinnaanerat misissorniarlugu - tamannalu iluatsilluarpoq.
Uniscrap Søborgimiittoq nassaaraat taakkulu saviminikut Ilulissani saviminikunut eqqaavissuarmut igiinnarneqartussaagaluit pisiariumavaat.
20 fods containeri saviminernik manngertorsinnaanngitsunik ulikkaarlugu immeriarlugu, nunarsuarmi saviminikoornermi akit qaffammata containeri nassiussimavaat. Tunisinermi aningaasartuutit tamaasa akilereerlugit 70.000 kruunit missaanni isertitaqarsimapput.
- Ukioq manna aamma iluatsilluartumik tunisivugut. Containeri ulikkaaqqeriarlugu tuniniaaqqikkatta tamatumuuna 50.000 koruunit iluanaarutigaagut. Maannalu containerit pingajussaat saviminernik igitassanik akuleriiaanik, tassa saviminernik qernertunik manngertornertartunik, saviminernillu manngertornersinnaanngitsunik immerparput. Aammattaaq kabelikunik Uniscrap pisisarmat tamakku ilanngussuuppagut. Nunatsinni siunissami saviminernik igitassat taamatut iliuuseqarfigineqartarnissaat pissusissamisuuinnarpoq, Jens Madsen Royal Greenlandip nittartagaanut oqaluttuarpoq.
