Royal Greenland ingerlalluarsinnartoq

Royal Greenland 2018-imi ukiup affaani siullermi akileraarutit ilanngaatiginnginnerini 50 millionit koruuninik sinneqartooruteqarpoq. Aalisakkerinermik suliffeqarfissuaq Europami pisisartuminik pingaarutilimmik annaasaqarnermi kingunerisaanik kaaviaartitani 7 procentinik ikiligaluartut taama angusaqarpoq.

AAMMA ATUARUK KNI sinneqartooqqippoq

Royal Greenlandilli pingaarnertut nioqqutigisaanut raajat qalipalinnut, raajanut uusunut qalipaajakkanullu, qaleralinnut issittullu saattuaanut akigitinneqartut qaffakkiartornerisigut kaaviiaartitatigut annaasat naligiissinneqarput.

- Raajanik uusunik qalipaajakkanillu tunisaqarneq ukiuni kingulliunerusuni akitigut appariarfiusimallunilu tuluit aningaasaasa nalingisa appariarnerannik sunnerneqarsimagaluartoq tunisinermi akitigut qaffariartorfiummata tunisatigut qaffariaateqarfigisinnaasimavagut, pisortaaneq Mikael Thinghuus naliliivoq.

Royal Greenlandip 2018-imi sinneqartooruteqarnissani naatsorsuutigaa. Sinneqartoorutilli 2017-imi sinneqartoorutigineqartut 253 millionit koruuniusut amerlaqatigissanngilaat.

AAMMA ATUARUK Nunatta karsia RG-ip sinneqartoorutaanit 64 millioninik iluanaaruteqartoq