Danskit aningaasaqarnermut ministeriat nersualaarivoq
Claus Hjort Frederiksenip nammineq Danmarkimi taama sulineq misilittagaqarfigilluarpaa.
- Anguniagassaqarluni malitassanik pissusissamik malinnaalluartitsisarpoq, aningaasaqarnermillu ingerlatsilluarnissamik eqqanaarisarluni. Missingersuusiornermut inatsisit uanga nuannarisaraakka.
Aningaasanut missingersuusiornermut inatsisip eqqanaassavaa ukiuni sisamani aningaasanut inatsisip amigartoorfiunnginnissaa.
Aamma atuaruk Claus Hjort Frederiksen Nunatsinnut tikeraassaaq
Danmarkimi aningaasanut missingersuusiornermut inatsisip amigartoorfiunissaa aallaavittut inerteqqutaatittarpaa.
- Kalaallit Nunaanni tamanna namminneq aalajangissavaat, isumaqarpunga suliniutip aallartinnissaa pingaarnerpaasoq. Arlaatigut aallartikkaangatta eqqanaartariaqarparput pitsaanerit akikinnerillu toqqassallugit. Isumaqarpunga aningaasanut missingersuusiornermi inatsit tamatuminnga eqqanaarinneqataasoq.
Aningaasanut naalakkersuisoq Randi Vestergaard Evaldsen aamma nammineq missingersuummut neriuuteqarluarpoq.
Aamma atuaruk Akiitsut aningaasaliisarnermullu periusissiaq nutarterneqarusuppoq
Aningaasaatimmi sipporlugit atuisoqarsinnaanngilaq, pingaaruteqarpoq uuma akuerineqarnissaa. Nunatta aningaasaqarneranut pingaaruteqaqaaq, taamaattumik upernaakkut ataatsimiinnermi saqqummiunnissaa qilanaaraarput.
Aamma naak danskit piattut akimmisaartitsitiginngikkaluartoq.
- Una aallarniutaannaavoq, imaassinnaavoq allanguisariaqassasugut. Neriuutigaarpulli ukiut sisamat qaangiuppata isertut anisullut oqimaaqatigiisinneqarumaartut, aningaasanut naalakkersuisoq oqarpoq.
