Claus Hjort Frederiksen Nunatsinnut tikeraassaaq
Tamatuma saniatigut aningaasaqarnermut naalakkersuisoq Randi Vestergaard Evaldsen ullumi aamma naapittussaavaa.
Claus Hjort Frederiksen Ilulissanut pingasunngorpat ingerlaqqissaaq, ilaatigut takornariaqarnermut tunngasunik takuniaassalluni Hotel Arcticilu pulaarlugu. Tamatuma saniatigut Qaasuitsup Kommuniani borgmesteri, Ole Dorph, aamma naapissavaa.
Danskit misterii allat Nunatsinnut piffissami kingullermi aamma tikeraarput. Danskillu nunami namminermi pissutsinut isumaginninnermullu ministeriat, Karen Ellemann, marsip 29-anit apriilip aallaqqaataata tungaanut Nunatsinnut tikeraaqqammerpoq.
Ministerip Ilaqutariinnermut, naligiissitaanermut isumaginninnermullu naalakkersuisoq Martha Lund Olsen Qaasuitsup Kommunianut angalaqatigaa, kommunilu pingaarnertullu suliniuteqarfigineqartut, pingaartumik ilaqutariinnik, meeqqanik inuusuttunillu sullissinermut tunngasut, borgmesterimit saqqummiunneqarput.
Ilaqutariinnermut, naligiissitaanermut isumaginninnermullu naalakkersuisup Martha Lund Olsenip kingorna erseqqissaatigaa danskit ministeriata nunatsinni pissutsinut soqutiginninnerujussua nuannaarutigalugu.
- Socialministeri paasisaqarluarpoq aammalu qujamasulluni ilisimalikkaminut, qallunaanngooq allat aamma periarfissaqassagaluaramik tamakkuninnga ilisimasaqalernissaminnut, apeqqutigaalu Folketingip udvalgii qaaqqusinnaanerlugit maanga paasisassarsiornissaannut, Martha Lund Olsen Facebookimi quppernermini taama allappoq.
