Rod Stewart puisinik illersuinianit malersugaasoq
Iggiingasumik nipeqarluni erinarsukkami ilaat ’Da ya think I’m sexy’ tusaamaneqaatiginerugaluarpaa, aamma puisip amianik kavaajaliaq Canadap pigisaani Labradorimi arfininngormat misilikkamiuk tulluarivissoraluarpaa.
Tulleertui Canadap kangianut angalanissaminnut oqorsaatissaminnik nassanngitsoorsimariaramik pisiniarfimmut Always in Voguemut alakkaasimapput. Pisiniarfimmillu piginnittup Darren Halloranip periarfissaq iluatsillugu tusaamasarsuaq puisip amianik kavassersimasoq 'selfiemik' assiliseqatigaa.
Steward angalaqataalu kashmirimik kavaajalianik aappalaartunik piseriarlutik minutsit 40-t qaangiummata pisiniarfik qimappaat, pisiniarfiullu piginnittuata nuannaarluni asseq Twitterimut ilanngussaa internettimi inuit attaveqaqatigiittarfiini oqallisaaleriasaarpoq.