RAL Islandimilu umiarsuaatileqatigiiffik juunip naanerani assartuusseqatigiilissasut

Kinami umiarsualiorfimmi sulinerup assigiinngitsutigut pisoqarfiunera pissutaalluni umiarsuit containerinik assartuutit sananeqarnerannik kinguaattoortitsivoq, Eimskipimillu ingerlaaqateqalernissaq aamma kinguaattoorfiulluni.
Royal Arctic Linep Eimskipimik suleqateqalerneratigut nunatta, Islandip, Savalimmiut Europallu akornanni ingerlaaqatigiilernissamik kinguneqassaaq. Asseq: Toqqorsivimmit Assi © : KNR/Anton Gundersen Lihn
Allattoq Anne Meisner Synnestvedt
maajip 09-at 2020 18:35
Nutserisoq Mads Lynge

Royal Arctic Line Islandimiut umiarsuaatileqatigiiffiannik Eimskipimik aasaru suleqateqalissaaq.

Royal Arctic Line tusagassiutinut nalunaarummi taama oqarpoq, ukiumoortumik naatsorsuutit aamma saqqummiunneqarlutik.

Suliaq umiarsuit pingasut Kinami Wenchongiip umiarsualiorfiani sananeqartut kinguaattoorfiunerat pissutaalluni kinguaattoorfiuvoq.

Umiarsuit sananeqartut pingasut akornanni ataaseq Royal Arctic Linemit pigineqarpoq.

AAMMA ATUARUK RAL-ip Eimskipimik ingerlaaqateqarnissaa kinguartinneqartoq

Sermitsiaq.AG-p allaaserisaa naapertorlugu umiarsualiorfik kiattup anorersuarujussuanit eqqorneqarpoq, umiarsuillu ilaanni aamma ikuallattoqalerarluarluni.

Umiarsuarli containerinik usisinnaasoq siulleq Eimskipimut sapaatip-akunnerata siuliani tunniunneqarpoq. Royal Arctic Linep pisortaa Verner Hammeken taama oqarpoq.

- Eimskipip umiarsuassani siulleq tiguaa sapaatip akunnera kingulleq. Assartuinermi suleqateqalernissaa kvartalip aappaani pisinnaalissasoq qularutiginngilara, Verner Hammeken Sermitsiaq.AG-mut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq