Prisnedsættelserne træder i kraft i dag.Assi: Gerda Hansen

RAL-ip assartuinermi akit apparai

Nunatta iluani umiatsianik, biilinik, sanaartornermilu maskiinanik nassiussineq akikinnerulissaaq.

Sanaartornermi maskiinat nassiunnissaat nunatta iluani akikinnerulissaaq.

Sanaartornermi maskiinanik assartuinermi assersuutigalugu kussiutip angisuup assartornerata akia malunnaatilimmik appariassaaq, kussiutip Qaqortumit Uummannamut assartornera siornatigut 121.674,66 koruuneqarpoq, maannalu 54.711,50 koruuneqassalluni.

Sanaartornermi maskiinanik assartuinermi akikinnerusoqalerneratigut illoqarfigisap avataani sanaartornissamut suliariumannittoqarusunnerulissasoq, Royal Arctic Line naliliivoq.

Inuinnartut umiatsiamik illoqarfimmiit illoqarfimmut nassiussineq aamma akikinnerulerpoq. Umiatsiallu mikinerusup umiatsiaaqqalluunniit Qaqortumit Maniitsumut assartornerata akia malunnaatilimmik aamma apparpoq, tassami 10.000 koruunit sinnilaarlugit akeqarsimariarluni maanna 6000 koruunit sinnilaarlugit akeqalerluni. Royal Arctic Line taama nalunaaruteqarpoq.

- Assartuinermi akigititanik appaanerup sanaartornermik ingerlatallit sanaartornermi maskiinanik assartuisitsiniarnerannut iluaqutaassaaq, inuillu aammalu inuussutissarsiornermik ingerlatallit biilinik umiatsianillu eqaannerusumik assartortitsiniarneranni iluaqutaassalluni. Ineqarnermut Attaveqaqatigiinnermullu naalakkersuisoq Karl Frederik Danielsen oqarpoq.

Sanaartornermi maskiinanik assartuinermut akinik appaaneq ullumimiit oktobarip ulluisa 15-ianni atuutilissaaq 2022-llu naanissaata tungaanut atuukkallassasut, Royal Arctic Line paasissutissiivoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat