Radiup maligaasai 15-it galaksit ilaanneersut ulloriarsiuut paasineqartut
Maligaasalli sorpiaanersut ulloriarsiuut paasisinnaasimanngilaat. Maligaasat sort hulimiit pinngorsimasinnaapput, ullorissalluunniit magneteqarfianneersinnaallutik. Tuluit aviisit The Guardian taama allaaserisaqarpoq.
Radiop maligaasai suliniut Breakthrough Listen aqqutigalugu siumorneqarput. Suliniut Breakthrough Listen, astrofysikerimit professorimiillu Stephen Hawkingimit aallarnerneqarpoq, aningaasaatilissuarmiillu Ruslandimeersumit Juirj Milnerimit aningaasalersorneqarluni.
Avataarsuata uuttortaavigineqarluni maligaasanik ujarlerfigineqarnissaa Breakthrough Listenip siunertaraa, avataarsuata ilaani uumassusilinnik peqarnersoq misissorneqarluni. Aviisi The Telegraph taama allaaserisaqarpoq.
Radiop maligaasai sakkortuut 15-it assersuutigalugu UFO-ninngaanneersuusinnaanngitsut uumassusilinneersuusinnaanngitsulluunniit ilimanarnerusoq, The Telegraphip allaaserisaani atuarneqarsinnaavoq, suliniutilli Breakthrough Listenip atortuisa atorluarneqarsinnaaneranik takussutissaasoq allaaserineqarluni.
