Raajartassat ikileriangaatsiarput
Pinngortitaleriffimmit oqaatigineqartut naapertorlugit, taama ikitsigisunik raajartassiinermut pissutaavoq, Kitaata imartaani raajat 2003-mit 2012-ip tungaanut ikiliartuinnarsimammata.
Raajartassalli innersuussutigineqartunit 10.000 tonsinik amerlanerussasut Naalakkersuisut maanna tassa aalajangiuppaat. Aalisarnermik siunnersuisoqatigiit ilaatigut tusarniarneqareersut tamanna pivoq.
Raajartassat ukiuni tulliuttuni marlunni ikilisinneqarsinnaanerat siunnersuisoqatigiit siunnersuutigaat.
Kitaani 90.000 tonsit, Tunumilu 12.400 tonsit Naalakkersuisut raajartassiissutigaat.
Kitaanut raajartassiinermi nutaartaavoq, 2.737 tonsit Canadamut pisassiissutigineqarmata. Tamatumani eqqarsaatigineqarpoq, eqqartorneqaqisoq, MSC-mik allagartalersuinissaq anguniarneqassammat.
