Raajarniarneq kinguariarfiusoq

Kalaallit Nunaata maannamut avammut tunisartagaani pingaaruteqarnerpaasimasut raajat - 5.000 tonsinik appariarsimapput 45.000 tonsiinnanngorlutik. Raajalli nalingi 16 millionit koruuninik qaffassimapput 352 millionit koruuninngorlutik.

Qalerallit tunisassiarineqarnerat  aningaasarsiornikkut siornali qaffariaataapput. Tunisat 25.000 tonsinik qaffariarput, 373 millionit koruunit nalinginut tunisisoqarluni ukiumut siulianut naleqqiullugu 30 millionit koruuninik amerlanerusunik.

Saarulliit aamma qaffariaateqarput. 45.000 tonsit tunineqarput, 2012-imut naleqqiullugu 4.500 tonsinik amerleriaateqarlutik. Saarullinniarneq 63 millionit koruuninik iluanaarutaasimavoq, ukiumut siulianut naleqqiullugu 13 million koruuninik qaffallutik.

Akerlianik nipisat suaasa iluanaarutaanerat 10 millionit koruuninik appariaateqarput 44,5 millionit koruuninngorlutik. Naak 2012-imut naleqqiullugu 3.700 tonsinik 2013-imi tunisat amerleriarsimagaluartut iluanaarutit appariartut, Kalaallit Nunaanni Naatsorsueqqissaartarfik nalunaarpoq.

Ilanngunneqarsinnaavoq misileraalluni Tunumi avaleraasartoorniarnermi 52.000 tonsit pisarineqarsimammata 71 millionit koruunit nalinginut.