Qunusaarisoq pillagaanissaminut napparsimavallaaratarsinnaasoq
Namminersorlutik Oqartussani aamma pisiniarfissuarmi Nuuk Centerimi sulisut sapaatip akunnerani kingullermi sisamanngornermi qimagussortinneqarput, tarnimigut napparsimasup Namminersorlutik Oqartussanut allakkanik qunusaarutinik imaqartunik siusinnerusukkut nassitsimasutut paasineqartup qunusaaruteqarnerata kingorna.
Aamma atuaruk Allakkat qunusaarinermik imaqartut sivisuumik allakkerivimmiissimagunarput
- Uani pineqartoq paasineqartutut isigaarput, allakkanimmi qunusaarutinik allassimasoq kinaanersoq nalunnginnatsigu, Morten Nielsen, Kalaallit Nunaanni politiini unnerluussisussaatitaaneq aamma politimesterip tullersortaa taama oqarpoq.
Inuk pineqartoq tassaavoq siusinnerusukkut Namminersorlutik Oqartussanut qunusaarisuusimasoq, taamatullu qunusaarisut nalinginnaasumik pineqaatissinneqartarput.
Qunusaarinerit inuppassuarnik eqquisut eqqartuussiveqarnermi ilungersunartutut isigineqartarput, taamatullu iliortut nalinginnaasumik pineqaatissinneqarsimasunut inissiisarfiimmiittussatut pineqatissinneqartarput, Morten Nielsen oqarpoq.
- Uani pineqartoq tarnimigut napparsimavoq, maannalu politiit misissorpaat angut pineqartoq pineqatissinneqarnissaanut napparsimavallaarnersoq imaluunniit tarnermigut katsorsarneqassanersoq, Morten Nielsen oqarpoq.
Aamma atuaruk Nuuk Centerip matugallarneqarnera aningaasaqarnikkut kingunerlutitsivoq
- Taama pisoqartillugu, nakorsat nalilersuisarput pineqatissiineq qanoq ittoq inummut pineqartumut tulluarnerunersoq aamma suna pisariaqartinneraa, pinerluttulioqqinnginnissaanullu katsorsaasoqarluni, vicepolitimester Morten Nielsen oqarpoq.
