Qullissat oqaluffianni unnugu eqqaaniaasoqassaaq
Oslomi qaartartumeerisoqarnerani qeqertamilu Utøyami toqaraasoqarnerani toqutaasut eqqaaniarlugit, Ilulissani Naalakatta Illuani aamma Qullisat oqaluffiannik taaneqartartumi qinoqatigiittoqassaaq arfineq pingasut qeqqanut.
Qinoqatigiinneq pereerpat, pattagiarsuarsortoqassaaq nalunaaqutaq qulingiluat tungaannut. Pattagiarsuarsornermi norgemiut eriniortup Edvard Griegip erinniaai atorneqassapput.
Palaseqarfik Ilulissat atuakkamik misiginneqataalluni allaffigineqarsinnaaasumik oqaluffimmi inissiissaaq, atuagaq taanna Norgep Kalaallit Nunaanni generalkonsulianut Kristian Lennertimut nassiunneqassaaq.
Naneruutinik ikitsisoqarsinnaajumaarpoq innuttaasut demokratiilu akornanni asanninnermut takussutissamik, Ilulissani innutaasunut Palaseqarfiup Ilulissat qaaqqusissutaanni allassimavoq.
Norgep ministeriunera Jens Stoltenberg muslimit Oslomi qinusarfianni eqqaaniaasoqarnerani ualimut pisumi najuppoq.
Musliimit qinusarfianni Central Jamaatimi, inuusuttut marluk eqqaaniarneqarput.
Utøyami toqoraasoqarnerani toqutaasut, 18-nik ukiulik Bano Brashid aamma 19-inik ukiulik Ismail Haji Ahmad eqqaaniarneqareerlutik ullumi ilisaapput.
Ministeriunerup oqaluginiarnissaa sioqqullugu toqutaasut eqqaaniarlugit minutsimik ataatsimik nipaallisimaneqarpoq. Nipaallisimaneqareermat Jens Stoltenbergip najuuttut tamaasa ilassivai, arabiamiut eqqissinermut oqaaseq atortagaat, "Salam aleikum" ilassinninnermini oqaatigalugu, Norgemi qarasiaasiakkut nutaarsiassaqartitsivik vg.no taamatut nalunaarpoq.
- Banop Ismail-illu toqunerat aliaasuutigaara. Upperisaq suiaassuseq inuiaqatigiinni inissisimaneq apeqqutaatinnagit ataatsimuussaagut, Jens Stoltenberg musliiminut oqalugiarami taamatut oqarpoq.
- Bano Norgemiuuvoq. Ismail Norgemiuuvoq, Uanga Norgemiuuvunga. Tamatta Norgemiuuvugut tamanna tanngassimaarutigaara, ministeriuneq musliminut oqalugiarami taamatut oqarpoq.