Qullartaasiaq ujaasititsileraluarpoq
Japanimiut qullartaasiaat aappalorujuttumik qalipaatilik Maniitsumi inuttaasut ilaannit ippassaq unnukkut qulingiluap eqqaani takuneqarpoq, taannalu isumaqarsimagaluarpoq ajunaalernermi kalerrisaarisoqartoq. Kinguninngua politiit ujaasineq aallartippaat angallat NIVI attatrolugu politiit angallataat "Sisak II" maanna avannaaniimmat.
Maniitsumili innuttaasut ilaat ullaaq manna arfineq pingasunngulersoq politiinut sianerpoq oqaluttuarluni Japanimiut qullartaasiaannik ippassaq unnukkut qullartitsisimallutik.
- Tamanna pissutigalugu ujaasineq unitsipparput. Kisianni innuttaasunut kajumissaarutigerusuppara taama pisoqassatillugu politiit ilisimatereertarnissaat paatsuuisoqarnissaa pinngitsoorniarlugu, Eigil Lyberth Maniitsup politiiviniit KNR.gl-imut oqarpoq.