Qulimiguulinnut Kangersuatsiami mittarfik ammaqqittoq

Iluarsaassisoqareermat Mittarfeqarfiit qulimiguulinnut Kangersuatsiami mittarfik ammaqqippaat.
Kangersuatsiami heliporti eqqaaveqarfimmut ungasinngilaq tamannalu akornutaasarsinnaavoq. Assi © : Mittarfeqarfiit
Allattoq Thomas Munk Veirum
aggustip 17-at 2019 15:55
Nutserisoq Ivik Kristiansen

Mittarfeqarfiit qulimiguulinnut nunaqarfimmi Upernaviup eqqaaniittumi Kangersuatsiami mittarfimmik aggustip ulluisa arfineq-pingajuanni matusinerat eqqakkat eqqaaveqarfimmit mittarfimmut teqqakattarnerannik pissuteqarpoq.

Eqqakkat isumannaallisaanermut navianaateqartutut nalilerneqarput.

Mittarfeqarfiit sumiiffimmut takusaareerlutik mittarfik tallimanngormat ammaqqippaat.

- Najukkami sulisuvut aggustip ulluisa 16-ianni 2019 qulimiguulinnut mittarfik takusarpaat eqqagassaqarfillu iluarsaanneqarsimasoq paasillugu. Qulimiguulinnut mittarfik isumannaatsumik timmisartuussivigeqqinneqarsinnaalersutut nalilerneqarami ammaqqinneqarpoq, Mittarfeqarfinni ingerlatsinermut pisortaq Niels Grosen oqarpoq.

Avannaata Kommuniata nunaqarfimmi eqqaaveqarfik akisussaaffigaa.

Eqqakkat mittarfimmut akornutaaqqinnginniassammata eqqaaveqarfik ungalulersorneqassasoq Avannaata Kommuniata teknikkikkut ingerlatsiviata pisortaa Nick Nielsen oqareerpoq.

AAMMA ATUARUK Flyvende affald lukker heliporten i Kangersuatsiaq

AAMMA ATUARUK Avannaata Kommunia heliportimut matusinermut: Eqqaavik ungalulersorneqassaaq

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq