Qulimiguulimmik aaneqartariaqartut
Takornariat pisuinnartut eqimattakkaat pingasut qulimiguulimmik sapaatip-akunnerisa pingasut kingulliit ingerlaneranni annaanniarneqartariaqarsimapput
Allattoq Rune Langhoff
CBC Newsimi tamanna allaaserineqarpoq, aamma ilisimatitsissutigineqarluni takornariat ilaat ajoqusersimasut, qanorpiarli ajoqusersimanersut sukumiisumik oqaatigineqanngilaq.
Nuna allanngutsaaliugaq, ikerup Davis-strædip akerpiaaniittoq, Auyuittuq, silarlorujussuarsimanera pissutigalugu matuneqarallartariaqarpoq.
Tamanna pivoq siallerujussuarnerata kiarujussuarneratalu kingorna kuuit kusserujussuarsimammata.
Nuna allanngutsaaliugaq, Auyuittuq, Danmarkip affaatut angissuseqarpoq, qeqertaaluup kujasissuani Nunavummi nunaqarfimmut Pannertuumut qanittumiilluni.