Isumasiuineq: Qujaukitsoq piukkuppaat

Inatsisartuni partiitoqaareersut nutaamik ilaqqinniarpasipput, Vittus Qujaukitsummi partiiliaa Nunatta Qitornai ataatsimik isertitaqarniarpasippoq, partiilli nutaat aappaat Samarbejdspartiet isertitaqanngitsuussamaarpasilluni.

Allattoq Jonas Fievé

marsip 28-at 2018 08:37

Nutserisoq Knud Reimer

Tassa Nunatta Qitornai apriilip 24-iani qinersisoqareerpat isertitaqartussaarpasittut isumasiuisartut HS Analyse-meersut KNR aamma Sermitsiaq.AG sinnerlugit misissuinerisa nutaap takutippaa.

Ullumikkummi qinersisoqartuuppat Nunatta Qitornai 4,6 procentinik taaguunneqassagaluarput, taamaasillutillu Inatsisartuni ataatsimik isertitaqariaannaallutik.

Vittus Qujaukitsoq taamaasilluni 2013-imili siullerpaamik inatsisartuni ilaasortanngoriaannaasoq ilimanarsivoq.

Vittus Qujaukitsormi 2014-imi Siumukkormiuutilluni qineqqusaaraluarmat qinigaanngitsoorpoq, taamanimi 87-iinnarnik taaguunneqarami.

Partiilli nutaap aappaa HS Analysep isumasiuinera naapertorlugu ingerlalluarpallaarnavianngillat, taakkumi ullumikkut qinersisoqartuuppat 1,8 procentiinnarnit taaguunneqassagaluarmata.

AAMMA ATUARUK Partiit nutaat marluk akuerineqarput

Taamaalilluni partiit nutaartaasa aappaat isertitaqanngitsooriaannaavoq, inatsisartunimi isertitaqarniaraanni minnerpaamik 2,7 procentiniit 2,9 procentit tungaanut taaguunneqartariaqarami.

Isumasiuinerli Partiiliioqataasumit Michael Rosingimit uippalliutigineqanngilaq, isumasiuinerullu nikeqqinnissaanut uppernassusaa apeqquserlugu.

Isumasiuineq: Qujaukitsoq piukkuppaat

Aamma atuaruk