Partiit nutaat marluk akuerineqarput

Qinersinermut Ataatsimiititaliap Inatsisartunut tullissaanik qinersinissamut Suleqatigiissitsisut aamma Nunatta Qitornai peqataasinnaatitaaneri pillugu marsip ulluisa 16-ianni akuersissuteqarput.
Assi © : KNR
Allattoq Karsten Sommer
marsip 16-at 2018 14:26
Nutserisoq Mads Lynge

Qinersisarneq pillugu inatsimmi § 11, imm. 2 naammassiniarlugu, inatsisartunut qinersinermi kingullermi taasinerit atorsinnaatitaasut tamavimmik 1/31-iisa nalinginit amerlassuseqartut partiip nutaap uppernarsaatitut pissarsiarissavai.

Kommunini Innuttaasunik Sullissiviit nalunaarutigineqartut atsiorneqarsimasut piumasaqaatinik inatsisitigut aalajangersarneqarsimasunik naammassinnissimanersut misissorpaat. Inatsisartunut 2014-imi qinersisoqarmat taasinerit atorsinnaasut 29.201-iupput - taakkua 1/31-iisa nalingivaa 942-t.

Qinersinermut Ataatsimiitsitaliap Allattoqarfiata oqaatigisinnaavaa, inatsimmi naammasseqqusaasut naammassineqartut. Taamaalilluni Suleqatigiissitsisut aamma Nunatta Qitornai tamarmik immikkut Kalaallit Nunaanni Inatsisartunut qinersisarneq pillugu Inatsisartut inatsisaanni naammassivai, tamatuma kingorna § 11, imm. 4 naapertorlugu Qinersinermut Ataatsimiititaliap partiit atuuttuuneri akuerivai.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk