Qujaukitsoq: Inissaaleqisoqarnera pissutaalluni tusagassiortunik peqataasoqanngilaq

Aatsitassarsiorniarnernut atatillugu Naalakkersuisut paasisassarsiorlutik angalaniaraangata tusagassiorfiit peqataatinneqartarnissaat, Naalakkersuisut oqaaseqaammi ilaatigut allaaseraat, siunissamilu taama angalasoqassagaangat tusagassiorfiit peqataasalersinnaanissaat Naalakkersuisut sulissutiginiaraat Vittus Qujaukitsup oqaatigaa.

Aatsitassarsiorniarnernut atatillugu Naalakkersuisut paasisassarsiorlutik angalaniaraangata tusagassiorfiit peqataatinneqartarnissaat, Naalakkersuisut oqaaseqaammi ilaatigut allaaseraat. Taamaaliortoqanngilarli.

 

Inuussutissarsiornermut Naalakkersuisoq Vittus Qujaukitsoq, borgmesteri Jørgen Wæver Johansenilu urani pillugu paasissutissanik pissarsiorlutik Canadamut qanittukkut angalammata tusagassiorfiit peqataatinneqanngillat.

Aamma atuaruk Naalakkersuisut ammasumik pissuseqarnissartik puigoqqippaat

Soorlu Naalakkersuisunut ilaasortat, Inatsisartullu Aatsitassanut Ataatsimiititaliaat uran pillugu paasissutissanik pissarsiorlutik Australiamut siorna angalaneranni taama pisoqartoq, tusagassiortut Canadamut maanna angalanermi peqataatinneqanngillat.

 

Tusagassiortullu angalanermi peqataatinneqannginnerannut pissutaasut Vittus Qujaukitsup ima nassuiaateqarfigai:

 

- Uani angalanermi Namminersorlutik Oqartussaniit taavalu Kommune Kujallermit peqataaffigineqartumik angalanitsinni inissat tassani apeqqutaangaatsiarsimapput qanoq amerlatigisunik peqataatitaqarsinnanerput, Nunanut allanut tunngasunut Naalakkersuisoq Vittus Qujaukitsoq taama oqarpoq.

Uran pillugu paasissutissiisarniarput

Canadamut angalanermi Namminersorlutik Oqartussanit Kommune Kujallermiillu peqataasut katillutik aqqaniliusut taassuma ilisimatitsissutigaa, paasisallu Canadamut angalanermi pissarsiarineqartut nittartakkami urani pillugu paasissutissiiffiusumi kikkunnit tamanit alakkarterneqarsinnaasumi atuarneqarsinnaanissaat ilisimatitsissutigalugu.

 

KNR Namminersorlutik Oqartussanut saaffiginnissuteqaraluarpoq, angalanermut peqataasinnaaneq tassani apeqqutigineqarluni, inissaaleqisoqarnerali pissutaalluni peqataasinnaasimanani.

 

Vittus Qujaukitsulli aamma oqaatigaa assersuutigalugu tusagassiorfiit siunissami taama angalasoqarnissaanut peqataasinnaasariaqartut:

 

- Ilumut. Soorunami pitsaanerusinnaavoq taamatut aaqqissuussinerput. Taamaattumik taamatut siunissami aaqqissuussisoqarnissaanut tusagassiuutit aamma periarfissaqartitaanissaat taassuma eqqumaffiginissaa sulissutigiumaarparput, aamma pitsaanerusinnaavoq, ilumoorpoq taanna, Inuussutissarsiornermut, Suliffeqarnermut, Niuernermut Nunanullu allanut tunngasunut Naalakkersuisoq Vittus Qujaukitsoq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat