Qiviut japanimiunik niueqatissarsiorpoq
Amernik qiviunillu tuniniaasartoq, Qivioq ApS, siunissami Japanimut tunisassiulernissaminik niueqatissarsinissaminillu siunertaqarluni Japanimut aallarpoq.
- Japanimiinnitsinni nioqqutissanik pilersorsinnaasatsinnik ataatsimeeqateqaqattaarpugut, Qiviut ApS-imik piginnittoq, Anita Høegh, KNR-imut oqarpoq.
Aamma atuaruk Titartakkanik nangeqattaartuliaq japanimiunit tigulluarneqartoq
Kunngissakkut peqataanerisa malitsigisaanik tunisassiorfeeqqap soqutigineqarluarnerunera Anita Høeghip iluarisimaarpaa.
-Tikilluaqquneqarluarpugut. Neriuutigisannit alutorineqarneruvugut, kunngissakkut peqataanerat pissutaaqataavoq, tamannalu ussassaarutaavoq aningaasanngorlugu naatsorsorneqarsinnaanngitsoq, Anita Høegh oqarpoq.
Tokyomit niueqatitaarallarsinnaanngilaq
Tokyomili nittarsaassinerup kingorna nutaanik niueqateqalernavianngikkallarpoq.
Nittarsaassinerulli siunertaara Japanimiunik niueqateqarusussinnaasunik ujarlernissaq.
- Japanimiut pitsaassutsimut piumasaqaataat sakkortoorujussuupput. Taamaammat nioqqutissaativut tuniniarneqarsinnaalertinnagit misissorluaqqissaarneqartussaapput, Qiviut piginnittua, Anita Høegh, oqarpoq.
Nunatta pissarititaanik Japanimi nittarsaassineq marsip 28-ani naammassineqarpoq.