Qitittartoq tusaamasaq hip-hoppimik pikkorissaalersoq
Nummmi inusuttut tamarmik akeqanngitsmik ulluni marlunni Hip-Hoperluni sungiusarnissamut periarfissaqarput, qititartoq nunarsuarmi tusaamaneqarluartoq Tony Stone ilitsersuisoralugu.
Taama oqaluttuarpoq, Nuummi qitinnermut ilinniarfik Qiajuk Studios, ukiunik tallimanngortorsiornermut atatillugu Kommuneqarfik Sermersooq aamma Namminersorlutik Oqartussat Tipsernermut Lottornermillu aningaasaateqarfia suleqatigalugu, sapaatip akunnerata naanerani aaqqissuussisoqartussammat.
Tony Stone qitittartuuvoq qitinnermik ilusiliisartoq Los Angelesiminngaaneersuulluni, taassuma nipilersortartut erinarsortartullu nunarsuarmi tamarmi tusaamasat suleqatigisarsimavai, soorlu Beyoncé, LL Cool J, Diana Ross aamma Kelis.
Tony Stone siullemik Nuummut tikeraarpoq ukioq 2015-mi, taamanikkut suleqatigaa qitittartoq Alexander Montgomery-Andersen aamma Qiajuk Studiomi qitinnermik ilinniartut, taakkua suliaat `IdentiD` qitinnermik isiginnaartitsissusiarineqarpoq naaatsumillu filmeliarineqarmat ´IDance`taaguuteqartinneqarluni.
Maanna tassa qitittartoq nunarsuarmi tamarmi tusaamaneqartoq Nuummut tikeqqittussanngorpoq inuusuttunullu Nuummiittunut aqqanilinniit 21-nut ukiullinnut Hip-Hoperluni qitinnermik nuannarisalinnut ilinniartitsiartorluni ilitsersuiartorlunilu.
Pikkorissartitsilluni ilitsersuinerup inerneri, qitinnermut ilinniarfiup Qiajuup ukiumortumik qitinermik takutitsinerani `Qitik 2018-mi Katuami Hans Lyngep inersuani apriilip ulluisa 28-anni takuneqarsinnaavoq.
Hip-Hoperluni qitinnermik pikkorisartitsinissamut peqaanissamut nalunaarfissap ullua kingulleq tassaavoq februaarip ulluisa qulingiluaat Nuummi timigissartarfimmi amutsiviup eqqaaniittumi Nuuk Fitnessimi nalunaaqutaq pingasut arferngullu akornanni. Aamma oqarasuaatikkut 559340-kkut nalunaartoqarsinnaavoq.