Qinnuteqaat Namminersorlutik Oqartussani pisortaqarfimmit paasinngilaat
London Miningip nassuiaanera naapertorlugu nunaminertaq qinnutigineqarluni pineqartoq attaveqaatinik atortulersuutinillu sanaartortoqarnerulissappat, tamanna siunissami piaanissamut immaqa akuersisoqassappat atorneqarnerumaassasoq.
- Pingaartissimavarput umiarsualiorfigineqarsinnaasut allat aamma misissussallugit, piaanissamut akuerineqassagutta umiarsualivimmit piaaffimmut aqqusiniliortoqarsinnaassalluni, Kaj Kleist oqarpoq.
Pinngortitamut Avatangiisimullu Naalakkersuisoqarfiup paasissutissiinera naapertorlugu nunap pineqartup ilaa tassaavoq tuttoqarfiusoq, tuttullu tamaani aamma piaqqisartut.
Kaj Kleist erseqqissaavoq uumasunut akornusersuinngitsumik allami umiarsualiviliornissaq ajoraluartumik periarfissaqanngitsoq.
- Qussuup paavani umiarsualiviliortoqarsinnaavoq, sananerali akisoorujussuusussaavoq qaartitererujussuaqqaarluni aatsaat umiarsualiviliortoqarsinnaassammat. Taamaaliorsinnaassanngilagut missingersuutigineqartut qaangerujussuarlugit aningaasaliisoqartariaqassammat, Kaj Kleist oqarpoq.
London Miningip Isukasiani savimminissamik piaanissamut missingersuutigaa 2 milliardit dollarit aningaasartuutigissallugit, koruuninngorlugit 11,3 milliardit.
Umiarsualivimmik allami sanaartortitsineq 350 millionit koruuninik akisunerussaaq.
Naalakkersuisoqarfiup tupigutsaassaa tusarniaanermi allassimasoq radioavisimit paasivarput.
London Mining ippassaq nalunaarpoq Isuakasiani savimminissamik piaanissamut qinnuteqaatissani ullut 14-it qaangiutsinnagit piareersimassallugu.