Qinigassanngortikkusuttut amigaataammata kingusinnerpaamik nalunaarfissaq kinguartinneqarpoq
Qinersinissaq pillugu siulersuisut aalajangerput, ilageeqarfinni naammaginartunik qineqqusaartussaqanngitsuni kingusinnerpaamik nalunaarfissaq marsip 19-ianni nalunaaqutaq ullup qeqqanut kinguartinneqassasoq. Illoqarfiit pineqartut tassaapput Namminersorlutik Oqartussat nalunaarutaanni 2013 januaarip 23-anneersumi immikkoorrtoq 2-mi allassimasutut ilaasortat naammattunik sinniisoqarnissaannut piumasaqaammik naapertuisinnaanngiffiit.
Illoqarfiit nunaqarfiillu pineqartut tassaapput:
Kapisillit, tassani qinigassanngortittoqanngilaq. Minnerpaamillu pingasunik qinigassaqartussaagaluarluni. Tasiilami arfinillit qinigassanngortinnissaat pisariaqartinneqartoq marluinnaat qinigassanngortipput. Isortumi sinniisussat pingasuusussat ataasiinnaq qinigassanngortippoq. Kulusuk sisamanik sinniisoqartussaq marluinnaat qinigassaapput. Kuummiuni Tiniteqilaamilu sisamakkaanik sinniisoqartussat tamarmik ataatsimik amigaateqarput. Naggataatigullu taasariaqarpoq Ittoqqortoormiit (Itaajivit, Uunarteq), tassani sinniisussat tallimat tamarmik inuttassaqartinneqanngillat.
