Qinersisartunik ataatsimiisitsinissaq soqutigineqannginnera pissutigalugu taamaatiinnarneqarpoq
Nunatsinni qinersisartut politikkikkut oqariartuutinik naammattunik tusagaqarsimagunavipput. Qineqqusaaartut qaammatini kingullerni marlunni sunik tamanik neriorsuuteqarlutik saqqumillarput. Tamannalu Nuummi qinersisartut qatsutiivissimarpasippaat, GU-mimi qinersisartunik ataatsimiisitsinissaq ullumi pisussaagaluartoq inukippallaarnera pissutigalugu taamaatiinnarneqarpoq.
Allattoq Peter Troelsen, Simon Uldum
Takkuttut ikitsuararsuupput, allaammi qineqqusaartut qinersisartunit amerlanerullutik, tamannalu pissutigalugu qinersisartunik ataatsimiisitsinissaq taamaatiinnarneqarpoq. Nunatsinni tamat oqartussaaqataanerannut tunngatillugu peqqusiileqinanngitsuunngilaq, sapaammili seqinnarissuarmi umiatsiamillu aallakaasut eqqarsaatigissagaanni politikerikatanneq immaqa paasinartoqartarsinnaavoq.