Qinersinermut atatillugu oqallinneq KNR-imi unnugu immikkut aallakaatinneqassaaq

Aallakaatitassiaq partiit qinigassanngortitaqartut tamarmik peqataaffigisaat Nuummi Ilinniarnertuunngorniat timersortarfianni arfininngormat immiunneqarpoq, matumanilu marlunngorpat qinersinerup unnukkuani Danmarkimi DR2-kkut aallakaatinneqarnissaa siunertarineqarluni.

KNR-ip immikkut ittumik Danmarks Radio-mit akuerineqarneratigut, tassa unnugu KNR-kkut kanaalini tamani, arfineq pingasunut qiteqquppat aallakaatinneqassaaq. 

Aallakaatitaq qallunaatut aallakaartinnerata saniatigut toqqaannartumik kalaallisut nutserneqarluni aallakaatinneqassaaq.

TV-kkut aallakaatitassiap arfinninngormat immiunneqarneraniit ullumikkumut kalaallisut nutsernissaanut periarfissaqarsimanngilaq, tassa piffissarititaasoq sivikimmat. 

Unnummulli apeqqarissorsuup Clement Kjærsgaardip politikerertatsinnik qallunaatut apersuinera takorusukkaanni, KNR2-mi arfineq pingasut qeqqaniit nalunaaquttap akunnerani ataatsimi isiginnaarneqarsinnaavoq.