Qineqqusaarutissat arlaqarput

Partii Siumut, Naleraq, Demokraatillu ukioq manna qineqqusaarutissat pillugit isumasiorpagut.

- Qineqqusaarutissagut pingaartut arlalissuupput, aalisarnermut inatsit, angallannermut tunngasut, Partii Naleqqami politikikkut oqaaseqartartoq Anthon Frederiksen oqarpoq.

-Inuussutissarsiortunut kiffaanngissusiiaasoqarsimavoq, inuup kiffaanngissusaanik uterteqqiineq, Randi V. Evaldsen oqarpoq.

- Aalisarnermut inatsisissaq, Jess Svane Siumumiit oqarpoq

AAMMA ATUARUK Apriilip 24-anni Inatsisartunut qinersissaagut

AAMMA ATUARUK Niels Thomsen qinigassanngortittoq

- Nunatta naalagaaffinngornissaanut tunngasut, minnerunngitsumillu utoqqaat meeqqat inuusuttullu atungaat, Anthon Frederiksen oqarpoq.

Politikerillu qinersisartut kissaataat uniungaarsimanngilaat. Qaqortumi innuttaasut pingasut naapitatta uku kissaatigaat:

-Namminiilivinnissamut eqqartuisorujussuuvugut ukiuni makkunani. Taanna qanoq piviusunngortinneqassanersoq, taavalu aamma suut aningasarsiorfiussanersut, isumaqarpunga taakkua oqaluuserineqarnerusariaqartut, Maaliaaraaq Nielsen oqarpoq.

-Isumaqarpunga nunarput 2018-inngortumi namminiilivinnissatsinnut sukataarnerusariaqalersugut, Jensine Ottosen oqarpoq nangipporlu:

-Nutaanik isummanik, suliffissanik nutaanik pilersitsiortornissaq kaammattuutiginaqaaq.

-Pingaartumik meeqqanut. Meeqqanut tunngasut taakua mininneqarsinnaanngillat. Aamma ikiortarialinnut. Soorlu utoqqarnut nammineersinnaanngitsunut, Paulus Simonsen oqarpoq.

Partiit politikkikkut anguniakkatik, qineqqusaarnissamut pilersaarutitik sassartitassatillu sapaatip akunnerini tulliuttuni saqqummiuttaqattaartussaassavaat.

AAMMA ATUARUK Aprilip 24-anni qinersinissarput Kim Kielsenip siunnersuutigaa

AAMMA ATUARUK KNR-imi aallakaatitassiat qineqqusaarnerup nalaani unitsikkallarneqassapput