Inatsisartut amerlarussuteqarlutik Naalakkersuisut qimmit qimuttut tuloriaasa nusunneqartarnerinut inatsimmik atorunnaarsitsinissamik siunnersuutaat akuersissutigaat.
- Naalakkersuisut allannguummik malunnaatilimmik isummiussaqarput, uumasunut nakorsaaneq Sanne Eline Wennerberg oqarpoq, nangillunilu:
- Politikerit taama isummernerat qimmit qimuttut atugarissaarnerulernissaannut tikkuusseqataavoq.
Inuussutissarsiornermut suliffeqarnermullu naalakkersuisoq Ove Karl Berthelsen isumaqarpoq nunarsuatta sinneranut nunatsinni qimminik qimuttunik eriaginninnerput paasitittariaqaripput:
- Qimmit qimuttut ajunngitsumik pineqarnissaat paaqqutarinissaallu nunatta tusaamaneqarneranut pingaarutilerujussuuvoq, Ove Karl Berthelsen oqarpoq.
Nunatsinni qimmit qimuttut 18.000-iupput. Qimmillu qimuttut tuloriaasa nusunneqartarneri qangaaniilli ileqqorineqaraluartoq, inatsisip allanngortinneratigut januaarip aallaqqaataani 2011-mi inerteqqutaalissaaq.