Qimaasut pisuinnaq Sverigep tungaanut ingerlaartut

Qimaasunut Danmarkimut ulluni kingullerni tikittunut tunngatillugu pissutsit, Danmarkimi nalunaaqutaq malillugu ippassaq unnukkut ilungersunarseriaqqiinnarput.
Assi © : European Roads/Flickr Creative Commons
Allattoq Helle Nørrelund Sørensen
septembarip 08-at 2015 06:17
Nutserisoq Simon Uldum -

Qimaasut nunasiniartullu hunnorujulikkuutaat Danmarkip kujasinnerusortaani Falsterimi akunnittarfinnut inissinneqareerlutik Sverigep tungaanut pisuinnaq aallarput.

Ilaatigullu motorvejikkut ingerlaarmata ajutoortoqaqqunagu biilit angallannerat politiinit unitsinneqarallarpoq.

AAMMA ATUARUK Nina K.: Ikiuinissamik kissaateqarluta takutitserusuppugut

Danskit politiivisa ullaaq manna ilisimatitsissutigaat qimaasut 300-t missaanniittut danskit oqartussaasuisa sumiiffeeruteqqagaat - Sverigemullu ingerlaqqinnissaannut inuinnarnit ikiorneqarsimanissaat ilimagineqartoq. Qimaasutut Sverigemi najugaqarnissamut akuerineqarnissaq najugaqarnissamullu akuersissummik tunineqarnissaq ajornannginnerujussuummat Sverigemut ingerlaarput.

Qimaasut nunasiniartullu Jyllandip kangiani Padborgimi killeqarfikkut  ullaaq manna aamma isaapput. Taakkulu politiinit maanna isumagineqarput uillusisimaffissarsiuunneqarlutillu.

AAMMA ATUARUK ASSIT Syriamiut qimaasut danskinit kalaallinillu katersuiniunneqartut

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk