Qimaasut 872-t Tuluit Nunaata imartaatigoorlutik qimaapput
Qimaasut 872-t umiatsiannguanut 15-nut ilaallutik Tuluit Nunaata sineriaata ilaanut ippassaq anngussimasut tuluit nutaarsiassaqartitsiviata BBC-p allaaserai.
Oqaatigineqarporlu aatsaat taamak qimaasut amerlatigisut Tuluit Nunaata imartaanik ukioq manna ulluinnarluni ikaartoqartoq.
Ukiup matuma ingerlanerani qimaasut 20.000-t missaat umiatsiaarannguanut ilaallutik aqqut takisooq atoreerlugu qimaasut tikittarsimapput.
Aggustimmi naanerani qimaasut 25.043-nik amerlassuseqarsimapput.
Tuluit ministeriunerata Rishi Sunakip umiatsiaaqqat taamatut tikerartuarnerat unittariaqartoq erseqqissaatigaa, erseqqissaatigaali kisianni tamanna sivisuumik suliassaassasoq.
Aggustip ingerlanerani franskit imarsiornermi nakkutilliisoqarfiata ilisimatitsissutigaa, qimaasut angallataasa ilaat Tuluit Nunaanukaraluit umiusimammata inuit arfinillit ajunaarsimasut
2018-miilli qimaasut 100.000-t Tuluit Nunaata imartaatigoorlutik Tuluit Nunaanut anngussimapput.