Qillerivissuarmi pissutsit ajorluinnartuusimapput

Qillerivissuarmi apriilimi qaartuunngilaattaani susoqarsimaneranik ilisimasat maanna amerliallapput.

Qillerivissuarmi sulisut annattut, nutaarsiassaqartitsivimmut CNN-imut oqaluttuaat isumakulunnartut maanna saqqummiunneqarput.

Annattut oqaluttuarput sullivimminni pissutsit ajorluinnartuusut, soorlu sulisitsisuniit sumiginnagaanerit sulinerillu sivisuallaartut, taakkulu ilaatigut pissutaaqataasimasinnaasut qillerivissuup qaartoorneranut.

Annattut aamma oqaluttuarput, qaartoornerup siuninngua qillerivimmi ittuusut marluk teknikimut tunngasunik assortuussimasut. Assortuunneq sulisunit eqqasulersitsisoq.

BP-mi pisortat ilaat piumasaqarsimavoq, qillerummi uulia qummut sukkasuumik ingerlannginniassammat marraq atorlugu ingalassimatinneqartartoq imermik taarserneqassasoq taanna oqinnerummat, taamaaliornikkut sulineq sukkanerusumik ingerlalissammat aammalu BP aningaasanik sipaassammat.

Pisortap piumasaa pivoq. Kinguninngualu qaartoorneqarpoq.

Annattut CCN-imut aamma oqaluttuarput, mianersoqqusisarnerit tusaanngitsuusaarneqartarsimasut, aammalu upalugaarsimaneq pillugu amerlavallaanik apeqqusiinermi soraarsitaanissaq sioorasaarutaasarsimasoq.

BP-ip taamatut oqalunneq eqqortuunnginnerarpaa. Qillerivissuarmi sulisut maanna BP eqqartuussisunut suliassanngortippaat.