Qeqqata Kommuniani IA: Imeqarfik aqqutigeqqusaajunnarli
Qeqqata kommuniani illuatungiliuttut, imeqarfiup avataatigut qimussit, qamuteralaat illiniiliuutillu aqqutissaanik sananissamut aningaasaliissutissanik piumasaqarniarput.
juunip 10-at 2010 16:50
Olga Berthelsen Ljungdahl Inuit Ataqatigiinneersoq ima oqarpoq:
-Ukiuni arlalinni upernaat tamaasa imerput bakteriaqarnerarlugu kalerriuttaramikku, tamannalu ukiuni kingullerni akulikillivallaaqimmat Inuit Ataqatigiinniit siunnersuutiginiarparput aqqusiornissamut misissuinissaq anngaasaliiffigineqassasoq.
Imeqarfik aqqusaarnagu aqqutissaqarpoq, Olga Berthelsen Ljungdahl oqarpoq.
-Aap, imeqarfiup avataatungaatigut ingerlagaanni aqqutissaqarpoq, kisiannili aamma Alanngorsuarmukarniaraanni uiarterinartorujussuussagami, Teknikerinut misissortinniarparput aningaasartuutaassagunarmat aqqut.
