Qeqqata Kommuniani atuilluartuunissamut aningaasaliissutinik sisamassaanik agguaassisoqarpoq

Aningaasaliissutinit agguaassassanit tunineqarnissaminnik qinnuteqartut amerlasimapput. Atuilluartuunissamut suliniutinut aningaasaliissutinit agguaassassanit, pilersaarutinut soqutiginarluinnartunut tunineqarnissaminnik qinnuteqartut katillugit 17-iupput, pilersaarutinullu qulingiluanut katillugit 100.100 koruunit agguaanneqarlutik.
Allattoq Thora H. Nielsen
juunip 13-at 2014 05:43

Pilersaarutinit ilaatigut Peqatigiiffik Neriusaaq pujoorivimmik, aalisakkanut panertitsivimmik kiisalu Maniitsup eqqaani utoqqaat illuarassaannik pilersitsinissaminnik kissaateqartoq aningaasaliiffigineqarpoq.

Tamatuma saniatigut Agneta Geisler aamma Øjvind Schwedler, sikkilinik assartuutinik assersuutigalugu innuttaasut pisiaminnik assartuinissaannut akeqanngitsumik attartortitserusullutik pilersaaruteqarnerinut aningaasaliiffigineqarput.
Urban Greenland (Sisimiuni sikkilertarfimmi ammalortumik sikkilertarfiliornikut) aaqqissugaanik, skaterneq pillugu Sisimiuni niviarsiaqqanut aaqqissuussinissamut aamma aningaasaliiffigineqarput.

Kingullertut minnerunngitsumillu Lea aamma Vittus Poulsen, Atammimmi silami timigissaatissanik pisinissaannut aningaasaliiffigineqarput.

Innuttaasut, peqatigiiffiit kattuffiillu kajumissutsiminnik suliaqarnermikkut inuiaqatigiit atuilluartuulernerunissaannut taperseerusuttut tapersernissai, atuilluartuunissamut aningaasaliilluni agguaassisarnerup siunertaraa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq