Avatangiisit Ilinniarneq

Qeqqata Kommunia attanneqarsinnasunik ingerlataqarniartunut nersosinnippoq

Seqinisaatinik innaarsummi ikkussineq. Tassa isumassarsiat ilaat, Qeqqata Kommuniani Maniitsumi Teknikkikkut Avatangiisinullu Immikkoortortami pisortamut Ole Thor Hermansenimut akissarsisitsisoqarneranut ilaatigut tunuliaqutaasut.
Assi © : Qeqqata Kommunia
Assi © : Qeqqeta Kommunia
Allattoq Karsten Sommer
januaarip 29-at 2016 13:06
Nutserisoq Mads Lynge

 

Atuilluartuuneq 2020-mut atatillugu suliniutinut suliaqartut ingerlataqartullu akornanni 100.000 koruuninik aningaasartalimmik akissarsisitsisoqarami.

Qeqqata Kommuniani Atuilluartuuneq 2020 anguniagassatut kommunalbestyrelsip 2012-imili aalajangerpaa, suliniutillu assigiinngitsut 34-t ilinniartitaanermut, inunnik sullissinermut avatangiisinullu tunngasut aallartereerneqarlutik.

Suliniutit akissarsitinneqartup aappaa tassaavoq Ulrik Motzfeldt-Skovgaard, Qeqqata Kommuniani Sisimiuni qarasaasialerivimmi pisortaq. Kommunimi tamarmi iPadit atuutsilersinneqarnissaannut suliniummut taanna aqutsisuuvoq.

Aamma atuaruk Qeqqata Kommunia sukisaarsaatigalugu aalisarnermik neqerooruteqartussarsiortoq

Suliniutinik aqutsisut taakku marluk akissarsisinneqarnerminni oqaatigaat nukissiuuteqarnermi iPadillu atuutsinneqarnerannut suliniutit nanginneqarnissaat qilanaaralugu.

Assersuutigalugu qarasaasiaq pinngortitalerinermi qanoq pissanganarnerusumik atorneqarsinnaanersoq Ulrik Motzfeldt-Skovgaardip misissorusuppaa, aningaasallu ilaat taakkununnga atorniarlugit.

Ole Thor Hermansenillu aningaasat ilaatigut sumut atussanerlugit qularutiginngilaa:

- Misiligummik innaarsummi seqinisaatinik ikkussisoqarsinnaanissaanut periarfissat misissuleruttorpavut. Ilisimasavut naapertorlugit Kalaallit Nunaanni taamatut misiliisoqarnikuunngilaq, nukissiuutinik atuilluarnissamut atorneqarluarsinnaasunik innaarsunnik kujammut sammisunik ulikkaarpoq, Ole Thor Hermansen oqarpoq.

Aamma atuaruk