Qeqqata Kommunia sukisaarsaatigalugu aalisarnermik neqerooruteqartussarsiortoq
Sukisaarsaatigalugu aalisarnermik soqutigisallit qinnuteqarnissaannut qaaqquneqarput, kuuillu katillugit 16-it suliffeqarfiit innuttaasulluunniit soqutiginnittut Qeqqata Kommuniani eqalunniarnissaminnut qinnuteqarsinnaatitaassapput.
Sukisaarsaatigalugu aalisarnermik neqerooruteqarnissamut ingerlatsinissamut akuersissummik qinnuteqarsinnaatitaasoqarnera, Naalakkersuisut takornariartitsisarnermut suliassaqarfimmi periusissiaannut ilaavoq, suliffissaqartitsiniarmut tunngavoq, takorniariartitsisarnerup siunissami siuariartinneqarnissaa siunertaalluni, suliffissaqartitsiniarnerullu annertusinissaa neriuutaalluni, Naalakkersuisut taama allaaserisaqarput.
Sukisaarsaatigalugu aalisarnermik neqerooruteqarnissamut ingerlatsinissamut akuersissummik tunniussisoqassappat, sumiiffiit sammisassanut allanut, soorlu sunngiffimmi aalisarnermut, atorneqarnissaannut innuttaasunut killilersuisoqassanngitsoq, oqaatigissallugu pingaaruteqartoq Naalakkersuisut erseqqissaatigaat.