Qeqqata Kommunia: Meeqqat atuarfianni atuanngiffeqartarneq pillugu siunnersuut alloriarfiuvoq

Qeqqata Kommuniani kommunalbestyrelsit ilinniartitaanermut ataatsimiititaliamut atuartut aasaanerani atuanngiffeqarnerannik aavartarnerup piffissaanut naleqqussaasinnaasumut siunnersuummik ingerlatitseqqiipput.
Kommunalbestyrelsip siunnersuut ullumi oqallisigaa. Kommunalbestyrelsimilu ilaasortat tamarmik siunnersuut akueraat taannalu ilinniartitaanermut ataatsimiititaliamut ingerlateqqillugu. Assi © : Dorthea Reimer Johansen / KNR
Allattoq Malik Brøns, Dorthea Johansen
septembarip 30-at 2021 12:52
Nutserisoq Connie Fontain

Nivi Heilmann Efraimsenip Qeqqata Kommuniani meeqqat atuarfianni aasaanerani atuanngiffeqartarnerat allanngortikkusuppaa.

Taanna Inuit Ataqatigiit kommunimi kommunalbestyrelsimut ilaasortaraat.

Atuartut aasaanerani atuanngiffeqartarnerisa qaammatip affaanik nikisinneqarnissaa taassuma siunnersuutigaa, atuartut taamaalillutik angajoqqaatit peqatigalugit aavariartarsinnaassallutik. Meeqqat atuarfimmit juunip qeqqata missaaniit augustip aallartinnerata tungaanut aasaanerani atuanngiffeqartarnerat ukiorpassuarni nalinginnaasuuvoq.

AAMMA ATUARUK Nivi Heilmann Efraimsen: Tilpas folkeskolens ferier vores kultur

Atuartut juunip naaneranit aggustip naanissaata tungaanut aasaanerani atuanngiffeqalertarnissaat, Nivi Heilmann Efraimsenip siunnersuutigaa.

Taassuma siunnersuutini nunatsinni kulturimut aavaartarnermullu piffissamut pitsaanerutitsissasoraa.

Isumaqatigineqarluartoq

Kommunalbestyrelsip siunnersuut ullumi oqallisigaa. Kommunalbestyrelsimilu ilaasortat tamarmik siunnersuut akueraat taannalu ilinniartitaanermut ataatsimiititaliamut ingerlateqqillugu.

Siunnersuut eqquutsinneqarsinnaanersoq ataatsimiititaliap misissussavaa. Siunnersuut pillugu aamma tusarniaasoqassaaq, atuartullu aasaanerani atuanngiffiannik nikisitsineq qanoq sunniuteqarsinnaanersoq misissorneqassalluni.

Meeqqat atuarfii pillugit inatsit malillugu Naalakkersuisut atuanngiffeqartarnermut pilersaarusiornermut malittarisassiortuusussaapput. Atuartut aasaanerani atuanngiffeqartarnerat sivikinnerpaamik sapaatini akunnerni arfineq-marlunnik sivisussuseqassaaaq, piffissamilu juunip aallaqqaataata aggustillu 31-ata akornanni inissisimassalluni.

Nivi Heilmann Efraimsenip siunnersuutimi tigulluarneqarnera nuannaarutigaa.

- Siunnersuutiga ilalerrappaat neriullutillu Kalaallit Nunaat tamarmut siammarumaartoq.  

Eqalunniarnerit, kapisilinniarnerit, aavarnerit, umimmanniarnerit allallu aasaanerani pisarput. Takkulu pineranni meeqqat atuanngiffeqartariaqartut, siunnersuuteqartoq isumaqarpoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk