Qeqqani kommunalbestyrelsi inissitsiterpoq
Hermann Berthelsen borgmesteriuinnassaaq.
Gedion Lyberth borgmesterip tulliatut siullertut inissippoq, Siverth K. Heilmannilu borgmesterip tulliata aappaatut inissilluni.
Ataatsimiititani siulittaasut ima inissinneqarput:
• Aningaasaqarnermut ataatsimiititaliami siulittaasoq, Hermann Bertelsen, S
• Ilaqutariinnermut ataatsimiititaliami siulittaasoq, Bitten Heilmann, A
• Teknikkimut Avatangiisinullu ataatsimiititaliami siulittaasoq, Hans-Frederik Olsen, S
• Aatsitassanut Attaveqaatinullu ataatsimiititaliami siulittaasoq, Gedion Lyberth, S
• Inuussutissarsiornermut Suliffeqarnermullu ataatsimiititaliami siulittaasoq, Aqqalu Skifte, S
• Ilinniartitaanermut, Kultureqarnermut Sunngiffimmullu ataatsimiititaliami siulittaasoq, Evelyn Frederiksen, S
Kommunalbestyrelsip ataatsimeeqqaarnissaa sisamanngornermi juunip arfernani pissaaq.
Karl Lyberth Aalisarnermut, Piniarnermut Nunalerinermullu Naalakkersuisunngornini pissutigalugu kommunalbestyrelsimit sulinngiffeqarpoq.