Angallanneq: Qeqertarsuarmiut Sarfaq Ittummik angalarusuttut
Innuttaasunik ataatsimiititsineq 80-100-t missaannik peqataaffigineqartoq, Naalakkersuisut tusagassiorfinnut nalunaaruteqarlutik allapput.
Qeqertarsuarmit Qeqertarsuarmut imaatigut angallassineq innuttaasut toqqissimanartinngisaasa ilagaat. Targammi angallassissutigineqartut angissusertik pissutigalugu imaannakkoornerminni malerujussuit ajornartorsiutigisarpaat.
AAMMA ATUARUK Múte Qeqertarsuarmi innuttaasunik ataatsimiititsilersoq
Ilaasartaatip Sarfaq Ittuup anginerungaatsiartup malissiullaqqinnerusullu atorneqarnissaa innuttaasut kissaatigaat.
Naalakkersuisorlu Múte B. Egede naapertorlugu Sarfaq Ittuup angallavigisartagaata allanngortinneratigut kingunissat pillugit misissuinerit aallartinneqareersimapput.
Aamma angallannermi ajornartorsiutit innuttaasunik naammagineqanngitsut aaqqiissuteqarfiginissaannut nunap immikkoortuani mittarfimmik Qeqertarsuarmi pilersitsinissamik pilersaarutit saqqummiuppai.
Múte B. Egedep aamma oqaatigaa ilaasunik angallassinermi kiffartuussinissamik isumaqatigiissutit siunissami isumaqatigiinniutigineqarnerini innuttaasut tusarniaavigineqartarnissaat ilanngunneqartariaqartoq.
